الأربعاء، 15 سبتمبر، 2010

آخر الأخبار / وقفة احتجاجية أمام السفارة السورية بالقاهرة للمطالبة بالإفراج عن طل الملوحي

دعت الشبكة العربية لمعلومات حقوق الإنسان وشباب 6 إبريل وعدد من المدونين المصريين إلى وقفة احتجاجية أمام السفارة السورية بالقاهرة، يوم الأحد القادم 19 سبتمبر، لإطلاق سراح المدونة السورية طل الملوحي، التي سبق وأن تم اعتقالها في سوريا أواخر ديسمبر 2009 . وبالرغم من تردد أنباء عن مقتل الملوحي في المعتقل، إلا أن الشباب واصلوا دعوتهم للوقفة الاحتجاجية، وقالوا عبر صفحة المناسبة على موقع الفيسبوك "نعلن تضامننا مع الشعب السوري ضد السياسات القمعية التي يمارسها النظام الحاكم السوري". وأضافوا :"تتشابه الأنظمة وتتشابه صور القمع للحريات."
ووصف الشباب طل الملوحى بأنها شابة سورية تبلغ من العمر 19عاما، حلمت بالتغيير وكانت تعبر عن حلمها بكلمات من خلال مدونتها، في صورة رسائل، ونتيجة رسائلها تم اعتقالها ولم تقدم للمحاكمة حتى الآن.

ــــــــــــــــــ
المصدر

هناك 3 تعليقات:

  1. أستاذى

    المشكلة أنى قريت فى أحد المدونات المصرية اللى بأتابعها

    أن فى خطر ع المدونين السوريين من الوقفة دى

    الكلام دة من واقع رسالة من أحد المدونين السوريين للمدونة دى

    مش عارف بقى

    دة صح و لا لأ

    ردحذف
  2. تعقيب المدونة نوارة صاحبة جبهة التهييس الشعبية :

    العونان : اللي حيعمل مظاهرة قدام السفارة السوري حاطلع ترابنتينه

    انا جالي رد من ناشط في داخل سوريا، وقال لي ان فعلا فيه خطورة عليهم، وان تسليم البيان للسفارة او وقفة السفارة كلها مالهاش لازمة
    اولا الوقفة امام السفارة حتتفسر داخل سوريا ان مبارك هو اللي حرك الناس ضد بشار الاسد بسبب الخلاف بينهم على المفاوضات
    وتسليم البيان للسفارة السوري حيترمي في الزبالة
    لذلك هو قال لي ان افضل وسيلة لمساعدة طل فعلا، ولانقاذ النشطاء السوريين من الاعتقال لانه هو نفسه كان حيروح في ستين داهية في الفترة اللي فاتت بسبب الفضايح اللي احنا عاملينها دي لولا ستر ربنا
    الحل الوحيد اننا نوزع البيان على الوكالات كلها، رويترز والفرنسية والبي بي سي والجزيرة والسي ان ان وكل وكالة نشوفها في خلقتنا
    حتلاقوا لنك البيان اللي مكتوب عليه وقع لاطلاق سراح طل ملوحي
    نقطة اخيرة: فيه فرق ما بين الشخص اللي عايز يساعد بجد وينقذ حد محتاج له
    وان الشخص يبقى عايز يسجل موقف وخلاص ومش مهم اثر ده على الاشخاص اللي هو بيدعي انه بيساعدهم
    رجاء اللي له اتصال بالوكالات ياخد البيان ويرسله من جانبه وانا كمان حاحاول ارسل البيان من جانبي
    وانا مش رايحة الوقفة دي وكل انسان حر في اختياره، بس النصيحة اللي اخلص بيها ضميري امام الله للي يهتم بنصيحتي، الوقفة دي مش حتساعد بل حتضر، الا هل بلغت اللهم فاشهد
    الوقفة دي رونج رونج رونج
    ---------------
    ما تطلعوش انيابي وضوافري، اللي عايز يتضامن مع طل ملوحي يعمل مظاهرة عند النقابة، مش قدام السفارة السوري
    مش قدام السفارة السوري
    تاني؟ تاني الزييطة تاني حيدخلوا وسط الهلولة وينفذوا اجندات؟ لا
    كفاية القفوات اللي كلتها في ملف حرية العقيدة...... دلوقت اعد صوابع ايديا، وانا ساكتة، انا ساكتة يا مليجي، مالك ومال ابن بنت بنت بنت بنتي؟ سرقة الجزم من قدام الجوامع لسه ماحدش يعرفها، سرقة مستودع الانابيب انا بس اللي اعرفها، عشان انا ست جدعة، وانت عارف ان انا ست جدعة
    طل ملوحي في السجن وناس برة تاكل عيش على قفاها؟
    اسباب اعتراضي على التظاهر قدام السفارة السوري قلتها لعاطف على التويتر وحاعيد نشرها هنا:
    معترضة عشان دي ريحة وحشة

    ردحذف
  3. تتمة لتعقيب المدونة نوارة :

    1- كلنا الناس اللي عندها دم زعلت لما حصلت مظاهرات قدام السفارة المصري ايام حرب غزة، مع ان السفارة المصرية جهة اختصاص في القضية دي، بينما السفارة السوري مش جهة اختصاص في قضية طل ملوحي، السفارة هي ممثل لدولة، باختلاف النظام، السفارة العراقي سفارة العراق قبل صدام واثناء صدام وبعد صدام وهكذا
    واللي ما نرضاهوش على نفسنا ما نرضاهوش على غيرنا
    2- احنا مش بنقدر نتظاهر قدام السفارة الامريكي والسفارة الاسرائيلي، لان الامن بيهددنا انه يفتح علينا الرصاص الحي، واحنا جبنا وبنخاف، مدام جبنا وبنخاف مافيش داعي نعمل رجالة على ابو بلاش
    3- المقصود بالحملة نظام الاسد، والمطلوب الافراج عن مدونة سورية، مش المقصود زعزعة سوريا نفسها وهي تحت التهديد دلوقت حالا يا ابو عاطف، ولا مقصود خلق حزازات بين المصريين والسوريين
    4- المظاهرة قدام النقابة حتبقى انجح وملفتة اكتر
    5- ايه وجهة النظر في التظاهر قدام سفارة سوريا؟ عايزين نقفلها؟ عايزين نضربها؟ معترضين على وجود سوريا في الحياة؟ ايه دخل السفارة السوري؟
    زي ما الباسبور المصري والسفارة المصري والعلم المصري مالهمش دعوة بمبارك كمان السفارة السوري مالهاش دعوة بالاسد، موجودة قبل الاسد وبعد الاسد
    6- انا شامة ريحة وحشة، وما عنديش استعداد انجر ورا ناس عندها اجندة بدعاوى حق يراد بها باطل، كفاية الب****ص اللي اخدتها في موضوع حرية العقيدة
    وبعدين طل ملوحي بقالها سنة.. اشمعنى دلوقت؟
    اتضامن مع طل اه، اطعن سوريا لا
    ---------
    ثقافة التضامن مهمة، ومهمة كمان بين الشعوب العربية وبعضها، احنا محتاجين الشعوب العربية تساندنا في قضايانا، وهم محتاجينا نساندهم في قضاياهم، بالذات السوريين عشان ظروفهم اوحش منا ومش بيقدروا يتكلموا قوي زينا، ومع ذلك مش ساكتين، ومافيش حاجة اسمها اللي يعوزه البيت يحرم على الجامع
    ده كلام الاندال والواطيين بس
    بس كمان مش عايزة ناس تدخل في الظيطة - زي كل مرة - وتنفذ اجندات سياسية
    احنا ضد الديكتاتورية، بس مش مع ضرب سوريا مثلا، مش مع خلق حزازات بين سوريا ومصر، مش مع حصار سوريا شعبيا اضافة الى حصارها دوليا
    لكن احنا مع الشعب السوري، ونقدر نتضامن من غير ما نؤذيهم، ما يبقاش جبتك يا عبد المعين تعيني لقيتك يا عبد المعين شغال مع مؤسسات اجنبية وعامل عليا فورتينة
    ومش لازم نسكت على اللي بيحصل لهم عشان ما نحسش بالذنب ناحيتهم زي ما عملنا في العراق
    ومش لازم نتآمر عليهم زي ما بنتآمر على ايران
    ما ينفعش نتضامن بشكل محترم؟

    ردحذف

المجموعة البريدية للمدونات العربية . لأخذ فكرة عنها و عن أهدافها ، اضغط هنا
مجموعات Google
اشتراك في المجموعة البريدية للمدونات العربية
البريد الإلكتروني:
زيارة هذه المجموعة

أكثر المواضيع رواجا منذ نشأة المدونة.

حدث خطأ في هذه الأداة

تصنيفات

أخبار التدوين. (69) أخلاقيات التدوين. (6) استطلاع رأي. (3) الإنترنت في الدول العربية (3) التدوين من خلال تقييمات لتجارب شخصية. (2) المدونات الجوارية. (1) المدونات و دورها في الدعاية الفكرية و السياسية. (2) اهتمام رجال السياسة و مؤسساتهم بميدان التدوين. (9) اهتمام وسائل الأعلام بالتدوين و المدونات . (5) تدويناتي الخاصة. (32) تعرف على الأردن (1) تعرف على الجزائر (3) تعرف على موريتانيا (3) تعرف على موريتانيا. (1) تنظيمات التدوين (1) حريات (5) حملات عامة. (11) حوار مع مدون (مختصرات عن كرسي الإعتراف ) (3) حوار مع مدون أردني (2) حوار مع مدون جزائري (7) حوار مع مدون فلسطيني. (1) حوار مع مدون مصري. (4) حوار مع مدون موريتاني (5) حوار مع مدون. (5) دراسات عن التدوين (3) دعاية و ترويج (5) دليل المدونات العربية. (4) عيد سعيد (1) متابعات. (9) معلومات عامة عن الدول العربية (3) مفهوم التدوين و أهميته (14) مقالات عن التدوين في الأردن. (12) مقالات عن التدوين في الجزائر (7) مقالات عن التدوين في الكويت. (1) مقالات عن التدوين في فلسطين (1) مقالات عن التدوين في مصر. (7) مقالات عن التدوين في موريتانيا. (6) ملف التدوين الجواري (5) ملفات التدوين. (4) من أحسن ما قرأت في المدونات المصرية. (3) من أحسن ما قرأت في مدونات موريتانيا (1) من أهم ما قرأت في مدونات الأردن (2) من أهم ما قرأت في مدونات الجزائر. (7) من أهم ما قرأت في مدونات المغرب. (3) مواقع أدلة و منصات متخصصة في التدوين. (1) نجوم التدوين ( حوارات ) (11) نصائح و مساعدات عملية يحتاجها المدون (5) نقاش (5) هذه المدونة (2) وحدة الأمة العربية و الإسلامية . (1)